Maika-49 a paralelo amianan

49°

class=notpageimage|

Maika-49 a paralelo amianan

Ti maika-49 a paralelo amianan ket ti sirkulo ti latitud a 49 gradgrado iti amianan ti ekuador a plano ti Daga. Daytoy ket ballasiwenna ti Europa, Asia, ti Taaw Pasipiko, Amianan nga Amerika ken ti Taaw Atlantiko.

Ti siudad ti Paris ket agarup a 15 km (9 mi) iti abagatan ti maika-49 a paralelo ken ti kadakkelan a siudad a pagbaetan dagiti paralelo ti maika-48 ken maika-49. Ti kangrunaan nga eropuertona iti Eropuerto Charles de Gaulle ket mabirukan iti paralelo.

Iti agarup a 3,500 kilometro (2,175 mi) iti pagbeddengan ti Kanada–Estados Unidos ket naikeddeng idi a sumurot iti maika-49 a paralelo manipud iti British Columbia aginngana idiay Manitoba idiay bangir ti Kanada, ken manipud idiay Washington aginggana idiay Minnesota idiay bangir ti Estados Unidos , ken naisangsangayan manipud idiay Lingsat ti Georgia aginggana idiay Danaw ti Kakaykayoan. Daytoy a sangalubongan a pagbeddengan ket naikeddeng idi iti Taripnong ti Anglo-Americkano ti 1818 ken ti Tulag ti Oregon idi 1846, nupay kasta ti pagbeddengan ket naipakpakita babaen dagiti pangmarka ti agrimensura a naikabil idi maika-19 a siglo ket sumiasi manipud iti maika-49 a paralelo babaen dagiti agarup a sangapulo a metro.

Iti daytoy a latitud ti init makitkita para kadagiti 16 nga oras, 12 a minminuto iti las-ud ti solstisio ti kalgaw ken 8 nga or-oras, 14 a minminuto iti las-ud ti solstisio ti panaglalam-ek.^[1] Iti basbassit ngem 1/8 iti rabaw ti Daga ket ti amianan ti maika-49 a paralelo.